Ciidamada Dawladda Soomaliya Oo Lagu Soo Qaaday Weerar Halis Ah Oo Qaraxyo Ku Bilawday
Al Jasiira- News
Dagaallamayaal katirsan kooxda AS ayaa saakay aroortii hore weerar culus oo ku bilowday qaraxyo waxa ay ku qaadeen deegaanka Daaru-nimca ee katirsan gobolka Shabeelaha Dhaxe.
Sida aan wararka ku helnay AS ayaa weerarka qaraxyada ku bilowday ku qaaday saldhigyo ciidanka dowladda iyo kuwa deegaanka kaga sugnaayeen deegaanka Daaru-nimca, waxaana qaraxyada kaddib halkaasi ka dhacay weerar toos ah.
Dagaal culus ayaa lagu soo waramayaa in uu ka dhacay deegaanka Daaru-nimca oo kamid ahaa deegaannadii horey looga saaray AS, waxaana labada dhinac dagaalka kasoo gaaray khasaarooyin isugu jira dhimadho iyo dhaawac.
Kooxda AS ee weerarka ku qaaday deegaanka Daaru-nimca ayaa guulo ka sheegatay weerarka ay halkaasi ka fuliyeen.
Dowladda Soomaaliya ayaan wali dhankeeda ka hadlin weerarka saakay lagu qaaday ciidankooda jooga deegaanka Daaru-nimca, waxa uuna weerarkan imaanayaa xilli maalmo kahor weerar nuucaan oo kale ah oo lagu dilay saraakiil uu ka dhacay Sh/ Hoose.